05/04–8 «ҰЛЫ ДАЛАНЫҢ ҚОНАҚЖАЙЛЫҚ ДӘСТҮРЛЕРІ»
Автобуспен, 12 сағат. Қашықтығы — 390 км.

• Экскурсия ғасырлар бойы қалыптасқан, ұрпақтан-ұрпаққа жалғасқан тәжірибені бойына сіңірген қазақ халқының қонақжайлық дәстүрлеріне арналған. Сіз қонақ қабылдау мәдениеті мен салт-дәстүрлері, сондай-ақ қазақтың ұлттық асханасының ерекшеліктері туралы мағлұмат аласыз.
• Маршрут Айрақты–Шоманай аңғарында (Қамалдар аңғары) аяқталады. Бұл аңғардың ортасында ортағасырлық алып қамалдарды елестететін асқақ тау сілемдері бой көтеріп, әрбір бұрылыста жартас массивтерінің жаңа бейнесі ашылады.
• Аталған таулардың асқақтығы, ауқымы мен қайталанбас көркем келбеті кезінде украин ақыны әрі суретшісі Тарас Григорьевич Шевченкоға ерекше әсер етіп, оны жаңа шығармалар жазуға шабыттандырған.

Қосымша ақы төленетін қызметтер:

Серікбол Қондыбай атындағы Мифология музейіне бару. Музейдің көрме залдары мифологиялық көріністермен безендірілген.
Кіру билеті:
— ересектер үшін — 100 теңге;
— оқушылар үшін — 30 теңге.
Музей бойынша экскурсиялық қызмет:
— ересектер тобы үшін — 500 теңге;
— оқушылар тобы үшін — 300 теңге.
Музей залдарында суретке түсу құқығы — 100 теңге / адам.

«Қазақ киіз үйінің шаңырағы астында» экскурсиясы. «Көгез» этноауылының киіз үйлі кемпингінде өтеді — 500 теңге / адам (маусымы: наурыз–қараша).
Бұл — көшпелі тұрғын үйді жасаудағы адамзат жетістіктерінің шарықтау шегі саналатын, ең ғажайып баспана — киіз үй туралы экскурсоводтың әсерлі әңгімесін тыңдауға мүмкіндік.

«Көгез» этноауылының кафесінде түскі ас (маусымы: наурыз–қараша) — баға алдын ала тапсырыс бойынша қалыптастырылады.