05/04–18 «ҚАСИЕТТІ ЖӘДІГЕРЛЕР БЕКЕТ АТА, ШОПАН АТА”
Автобуспен, 16 сағат. Қашықтығы — 600 км.

Бекет ата жерасты мешітіне жасалатын зиярат сапары аңыз бойынша Бекет атаның рухани ұстазы саналатын тағы бір әулие — Шопан ата жерасты мешітіне барудан басталады. Маңғышлақтан Хорезмге апаратын көне керуен жолының бойында орналасқан Шопан ата қорымы— Маңғышлақтағы ең ауқымды, әрі мүмкін ең көне қорымдардың бірі.

Шопан ата жерасты мешітіне зиярат еткеннен кейін, сапар қасиетті Бекет ата жеріне жалғасады. Дәл осы жерде зияраттың ең маңызды бөлігі басталады. Жартас арасындағы ирек соқпақпен жаяу жүріп, мешітке жету қажет. Бұрын Бекет ата намаз оқып, балаларға тәлім берген шағын бөлмеде Сізге намаз орындауға мүмкіндік беріледі.