05/04–16 «ҒАСЫРЛАР ТЕРЕҢІНЕН»
Автобуспен, 12 сағат. Қашықтығы — 290 км.

Бұл экскурсия қазақ халқының салт-дәстүрлері мен әдет-ғұрыптарына арналған. Бағдарламаға X ғасырдың тарих және мәдениет ескерткіші саналатын Шақпақ ата жерасты мешітіне бару енгізілген. Қалың қабырғалармен қоршалған, суреттер мен таңбаларға толы бұл тылсым ғибадат орны жер мен көк кеңістігінен, адам даусынан оқшау жасырылған. Мешіт көне заманның тынысын сезінуге, ежелгі құрылысшылардың шеберлігіне, қаһарлы табиғат пен ғибадатхананың асқақ келбетін біртұтас үйлестіре білген даналығына тәнті етеді.

Экскурсия Қапамсай әсем борлы каньонында демалыспен аяқталады.